|
|
МАНАСТИР МАТЕЈЧЕ Сметана за „еден од најблагородните византиски споменици на балканските простори“ во текстовите на патописците од изминатите векови и истражувања во делата на најреспектираните проучувачи на византиската култура повеќе од едно столетие, црквата Света Богородица над селото Матејче претставува репрезент на врните уметнички дострели на нашите предци од далечното минато и е ремек дело на доцновизантиското монументално сликарство. Изникнувајќи од традицијата на цариградските архитектонски решенија и претставувајќи го најголемиот сликан ансамбл од XIV век на македонската територија и вториот по големина во Балканскиот регион, Богородичната црква во Матејче, со импозантните димензии на градежниот корпус и екстензивноста на сликаниот репертоар, се вбројува меѓу најмаркантните споменици на општата византиска уметничка продукција. Четиринаесет циклуси и стотици светителски ликови ги красат ѕидовите на храмот, кој во последните петнаесет месеци секојдневно губи драгоцени делови од својата сликана декорација, проголтани во темната бездна на заборавот. Оригиналните иконографски решенија, невидени во историјата на византиското сликарство, кои сведочат за длабоката теолошка ерудиција на творците на енциклопедиски богатата сликана програма, и будењето на новите стилски одлики на дворскиот ликовен израз низ аристократскиот манир на уметничката постапка, зборуваат за вештината и мајсторството на најдобрите сликари од средината на XIV век. Нивниот рафиниран ликовен јазик го облагородил монументалниот екстериер на црквата со една од најпоетичните визии на нашето творечко средновековие. По прв пат во историјата на византиските студии, низ 524 страници, илустрирани со цртежи, 90 црно-бели и 57 колор фотографии, монографскиот труд МАНАСТИР МАТЕЈЧЕ ги разрешува мистичните димензии на Богородичната црква, нудејќи:
|
||||||||||||
